17 July 2009

نصيحه صحية



مره كنا رادين من السفر .. وبشرتي كانت وايد تعبانه فراجعت عند دكتورة اختصاصية ... طبعاً أهي من طلت في ويهي قالت لي حالتي بالتفصيل وأنا مبطله عيوني @@ قالت لي ما راح أعطيك كريمات بس بقولج نصيحة طبقيها و راح تشوفين نتائجها بنفسج ..

الصبح على الريج أشرب قلاص حليب بارد و أكل 2-3 حبات قراصيا .. والصراحة نصيحتها يابت نتائج حلوه معاي ..

طبعاً أهي حسب كلامها أن لما نشرب حليب حار من الصبح هالشي يعطي نتائج عكسية على صحتنا والمفروض نشرب حليب بارد وايد أفيد .. ولأني متعودة أشرب حليب حار الصبح في الريوق مع القهوة أو الشاي قالت شربي أول قلاص الحليب البارد مع القراصيا ونطري شوي تالي تريقي عادي وشربي الحليب الحار على كيفج .. جربوها وأن شاء الله تلاقون نتائج مفيدة لصحتكم ..


5 comments:

رورو الشخبوطه said...

هلا ستار ..

.؟؟شنو يعني قراصيا

وانا ماشرب حليب الا نادر ..

ينفع حليب ككو :)

مشكوره خيتو..

Fishah said...

غريبه .. العاده ينصحون بقلاص ماي على الريج
ياحلونا واحنا يهال نفتح ريجنا بحليب كي دي دي على الريج بالسياره بطريجنا للمدرسه :))
اممممممم تعالي .. القراصيا اهي نفسها الكوجه؟

star said...

رورو

لازم تشربين حليب وايد زين

القراصيا أهو الكوجه المجففة ولونها يصير أسود يحطونها في الخشاف في رمضان

fishah

صح القراصيا أهي الكوجه المجففه


وتحصلونها في مطحنة الدولية أو الرفاعي

رورو الشخبوطه said...

مرسو ع التوضيح..

بس مايمتن عشتو كله اقول بخفف متنانه اهي اهي..

والاهم اني احب الكوج اشوه :)

lazy dazy said...

خوووش برقوقه ;)