أختي اليوم راده من الدوام و أبيدها هالمجلات تقول مر علينا بالدوام مندوب ووزع علينا أعداد من مجلات ماري كلير وليالينا ... تطوروا في سالفة التسويق في أماكن الشغل .. أحنا في الدوام يمرون علينا مندوبين من جميع الأطياف : بنوك أو أحد الشركات الأمريكية العالمية للائتمان ... واحد يبيع بخور ودهن عود ... واحد يبيع حنه ( خوش حنه ) .. واحد يبيع مناديل معطرة ومعقمه لتنظيف للمكاتب ( الله يعافي مناديل الديتول) .. هيئات خيرية .. واحد يبيع مجلدات وموسوعات تعليمية ( رفيجتي شرت موسوعة المطبخ بـ 400 دينار والدفع بالأقساط كل شهر يمر يستلم منها 100 دينار)...
وأنتو يمرون عليكم مندوبين يسوقون عندكم منتجاتهم ؟؟
2 comments:
السلام..
طلعت اختج انا عطوني هالاثنين بعد :)
شفت ال2 نسيت اسمها حلوه مواضيع الموضه فيها ..
بس ملوت شهر 6 ..
احنا يمرون علينا طرارين وايد و بياع دلاغات و ملوت الجان الخيريه وساعات البنات يقولون تبون هالشي وحده من اهلهم او رفيجاتهم يبيبن بضاعه..
ومرسو..
والنعم فيج
أي ماري كلير مالت شهر 6
شفت داخلها صندل نايلون ماركة تودز عجبني بروح أدوره في محلهم
Post a Comment