20 July 2009

Crocs


في أمريكا ألحين يدور حديث عن خسارة شركة كروكس .. وطبعاً هالشي ناتج عن الأزمة المالية العالمية والي تسببت بخسارة الشركة مبلغ يقارب 200 مليون دولار .. والغريب أنه من جانب مجلات الموضه شافوا هالشي انتصار وأنقاذ الذوق من جريمة جواتي الكروكس وأنتو بكرامه و أنها قبيحة وضخمة وتشبه ريول الفلنستونز وألحين موضه الفليب فلوب ....الخ

ومن جانب آخر آراء الاقتصاديين أنها خسارة حق 2000 وظيفة في الشركة وأن العوايل في ظل الأزمة الاقتصادية ما تفكر تشتري كروكس يديد خصوصاً أن نوعية الكروكس ما تخترب بسرعة .. وقولوا أن تغيير المدير التنفيذي للشركة ممكن ينقذها خصوصاً أنه أعلن في خطته أنهم راح يصيرون موجهين حق شريحة من السوق وهي العاملين في القطاع الطبي و حق الي يعانون من مشاكل في ريولهم و قاعدين يقنعون الممثل جورج كلوني يشارك معاهم في الحملة التسويقية من ضمنها أعمال خيرية ..

شدني الخبر ونقلته لكم .. مع أني ما أطلع فيه بس ألبسه في البيت .. بس يشوق حق اليهال واشوفه مريح ولا يتوصخ .. وصح ألحين موضه الفليب فلوب فخشوا الكروكس الي عندكم اخاف صج تفلس الشركة وما نحصلهم :((

2 comments:

رورو الشخبوطه said...

شلون صاير الفليب فوب..

الكروكس بالعكس حلو لقيت اشكال حلوه منه عجبتني وسيفته ان شاءالله بوستي الياي عنه..

انا ماجربته بس ولد اختي عنده واحد يشوق واحس حلو للبحر والشاليه وهم للسفر اي مكان يبي مشي وفي ماي حلو له لانه مريح ونايلون..

مرسو..

star said...

الفليب فلوب اهو وأنتي بكرامه النعول الفلات الي بصبع بالنص

أي والله أنا بعد من رايج أنه كد ومد وعملي و مريح وممتاز حق البحر

بس لو تلاحظين الحين الموضة و السوق كله صاير فليب فلوبات

حياج الله