انا وااااااايد مهتمة بفكرة علاج البشرة بالاكسجين (O2) الفكرة العلمية ورا هل العلاج ان البكتريا الي على البشرة تتكاثر وتسبب لنا البثور اما بسبب التهاب في مسام البشرة او انسدادها بالخلايا الميتة او الدهون الزايدة والحل اهو خلق بيئة ما تشجع هل البكتيريا على التكاثر وتقتلها .. والي اهو التعقيم من خلال الاكسجين ..
جربت كذا نوع من الماسكات الي تشتغل بفكرة الاكسجين وحابة اشاركم بخلاصة هل التجارب ..
اول شي اخذوا نفس عميييييييييييق حاولو تستنشقون اكبر قدر ممكن من الاكسجين ولا ماراح يضبط البوست ;)
اول واحد .. من ميشا الماركة الكورية
MISSHA Super Aqua Oxygen Mask
فكرتة نفس الدعاية بالضبط .. تحطين الماسك على بشرتك ومن تمدين الماسك على البشرة راح يبدي يرغي ويطلع مثل الفوم وتخلينه 3 دقايق وبعدين تغسلينة بالماي ومباشرة راح تشوفين تبييض فوري من الاكسجين ومن الفيتامين سي الي بالماسك ..
اللحين بالنسبة لي ما حبيته كللللش اولا ميشا اتوقع مسويه ماسكهم بطريقة الاكسجين الي يفتح لون الشعر لان ريحة الماسك تقريبا نفس ريحة البليش الي يستخدمونه الصالونات لتفتيح الشعر قبل الصبغ والهايلايت .. بعدين يتني حكة ابشرتي واحسها تقززني بعد ما استخدمته .. بالنهاية ما يازلي ابدا وحتى التفتيح فوري بس يعني مو دايم ولونك راح يرجع مثل قبل بعد فترة ..
ثاني واحد .. من ثالغو .. ماركة فرنسية
Thalgo Oxygen Mask Anti-Stress
جيل لونه مشمشي بخلاصة الاعشاب مثل الصبار والبرتقال وغيره وبعد بالاكسجين البحري !!!! ما ادري بالضبط شنو يقصدون بالبحري بس شريته لانه ماسك اكسجين اولا وثالغو ماركة فرنسية ومو رخيصه ثانيا فقلت اجربه بس للاسف هم كانت النتيجة مخيبه للامال .. اول شي ريحته اول ما تحطينه ريحة الصابون المغربي اذا تعرفونه بالضببببط وانا ما احبها وبعدين انطر وانطر ما يرغي ويصير فوم ؟؟؟ شلون عيل بالاكسجين ؟؟؟ وآخر شي ريحته اتحول بعد ما تحطونه الى ريحة زيت السمك وع وع وع يعني زفره وانا احب الروايح الحلوة والعطرة بمنتجات العناية بشرتي ما احب الروايح الكريهة ..
وكنتيجة اذا تغاضينه عن كل عيوبه هم مو ملحوظة ما حسيت بشرتي افرقت علي ..
ثالث واحد :) .. من ناتشر ريببليك .. ماركة كورية
Nature Republic O2 Therapy Charcoal Bubble Pack
وأخيرااااااااا المنتج الي كنت ادور عليه .. اهو ماسك لونه اسود بخلاصة الفحم الخشبي الي يمتص الزيوت الزايدة في المسامات وينظفها والاكسجين الي يعقم البشرة ويقتل البكتيريا .. اولا لما تحطون الماسك الاسود وتمدونه على البشرة راح يتغير لون ويصير ابيض ويبدي يرغي ويصير مثل البابلز واحساس يدلدغ على ويهك وبخلال دقايق راح تشوفون البابلز تختفي وتقدرون تغسلونه وعلى طول راح تشوفون بشرتكم صارت ناعمة وخالية من الدهون يعني صج احساس فريش .. اكثر شي حبيته فيه ان ماسك سريع مو مثل الي يقولك خليه 15 دقيقه من له خلق هل كثر وقت!!! هذا بدقيقتين ثلات بس خلصتي والشي الثاني انه تشوفين فرق في بشرتك على طول ..
ماسك ميشا تلقونه في بوتيك ميشا دبي مول - ماسك ثالغو تلقونه في الجوثن - ماسك نايشر ريبابليك من بوتيك الماركة في كوالالمبور.
جربت كذا نوع من الماسكات الي تشتغل بفكرة الاكسجين وحابة اشاركم بخلاصة هل التجارب ..
اول شي اخذوا نفس عميييييييييييق حاولو تستنشقون اكبر قدر ممكن من الاكسجين ولا ماراح يضبط البوست ;)
اول واحد .. من ميشا الماركة الكورية
MISSHA Super Aqua Oxygen Mask
اللحين بالنسبة لي ما حبيته كللللش اولا ميشا اتوقع مسويه ماسكهم بطريقة الاكسجين الي يفتح لون الشعر لان ريحة الماسك تقريبا نفس ريحة البليش الي يستخدمونه الصالونات لتفتيح الشعر قبل الصبغ والهايلايت .. بعدين يتني حكة ابشرتي واحسها تقززني بعد ما استخدمته .. بالنهاية ما يازلي ابدا وحتى التفتيح فوري بس يعني مو دايم ولونك راح يرجع مثل قبل بعد فترة ..
ثاني واحد .. من ثالغو .. ماركة فرنسية
Thalgo Oxygen Mask Anti-Stress
جيل لونه مشمشي بخلاصة الاعشاب مثل الصبار والبرتقال وغيره وبعد بالاكسجين البحري !!!! ما ادري بالضبط شنو يقصدون بالبحري بس شريته لانه ماسك اكسجين اولا وثالغو ماركة فرنسية ومو رخيصه ثانيا فقلت اجربه بس للاسف هم كانت النتيجة مخيبه للامال .. اول شي ريحته اول ما تحطينه ريحة الصابون المغربي اذا تعرفونه بالضببببط وانا ما احبها وبعدين انطر وانطر ما يرغي ويصير فوم ؟؟؟ شلون عيل بالاكسجين ؟؟؟ وآخر شي ريحته اتحول بعد ما تحطونه الى ريحة زيت السمك وع وع وع يعني زفره وانا احب الروايح الحلوة والعطرة بمنتجات العناية بشرتي ما احب الروايح الكريهة ..
وكنتيجة اذا تغاضينه عن كل عيوبه هم مو ملحوظة ما حسيت بشرتي افرقت علي ..
ثالث واحد :) .. من ناتشر ريببليك .. ماركة كورية
Nature Republic O2 Therapy Charcoal Bubble Pack
وأخيرااااااااا المنتج الي كنت ادور عليه .. اهو ماسك لونه اسود بخلاصة الفحم الخشبي الي يمتص الزيوت الزايدة في المسامات وينظفها والاكسجين الي يعقم البشرة ويقتل البكتيريا .. اولا لما تحطون الماسك الاسود وتمدونه على البشرة راح يتغير لون ويصير ابيض ويبدي يرغي ويصير مثل البابلز واحساس يدلدغ على ويهك وبخلال دقايق راح تشوفون البابلز تختفي وتقدرون تغسلونه وعلى طول راح تشوفون بشرتكم صارت ناعمة وخالية من الدهون يعني صج احساس فريش .. اكثر شي حبيته فيه ان ماسك سريع مو مثل الي يقولك خليه 15 دقيقه من له خلق هل كثر وقت!!! هذا بدقيقتين ثلات بس خلصتي والشي الثاني انه تشوفين فرق في بشرتك على طول ..
ماسك ميشا تلقونه في بوتيك ميشا دبي مول - ماسك ثالغو تلقونه في الجوثن - ماسك نايشر ريبابليك من بوتيك الماركة في كوالالمبور.
5 comments:
شوقتيني ع ال1 و ال3 ..
يبيله ماليزيا..
كل اسالج وانسى شنو نوع بشرتج ؟؟
لانه بشرتي دعله حساسه مختلطة :\
فبشوف يناسبوني ولا لا :)
مساء الخير
شكرا استفت من البوست واثق في خبرتك وتجاربك
لان كل المنتجات يلي في البوستات القديمه انا مجربه اغلبها واغلب يلي استفتي منه ناسب بشرتي ويلي كنتي ذامه في هم انا ماناسبني!! مثلا تونر كلنك قرص ويهي و مليان كحول قمت انظف فيه الطاولات هههه عن الحسافه كمطهر :)منظف
بليز لي طلب ورجاء اذا كان المنتج تطلبينه اونلاين حطي لما الوبسايب اذا ما عليج امر وشكرا لج
هاي رورو الماسكات اتناسب كل انواع البشرة مو لبشرة معينه
Dolores
هلا حبيبتي مشكورة على ثقتك الي اعتز فيها وهذا الي احب اوصل له لان كل شي احطة اكون شاريته بنفسي ما اسوي دعاية لاي جهه وابالغ في مدح شي ما يسوى كل شي احطه من واقع تجربتي
وان شاء الله يالطيبه ما طلبتي شي
شكرا لج
Post a Comment