11 September 2011

review: Dermalogica




ديرمالوجيكا ( يا طـــــــول الإسم ) لاين عناية استخدمته من كم سنه ورجعت استخدمته من فترة قريبه بعد ما كانت بشرتي مستعسره علي وكان اختيار موفق الصراحة  .. اهي الماركة مسويتها مؤسسه اسمها انترناشيونال ديرمال من اكثر من 25 سنة و تصميم العلب ظل بسيط على مر هل السنين لأن يعكس شعارهم الي اهو التركيز على النتائج مو المظاهر ..
الماركة تخرج اكثر من 75 الف استشارية في البشرة بالسنة من معاهدهم الخاصة يعني لما تروحون حق اي مركز ديرمالوجيكا راح تلقون وحدة فاااااهمة عن البرودكت وشنو استخدامها وحق اي بشره .. مو مثل الي نشوفهم بمراكز التجميل بعضهم ما يعرفون اي شي عن الماركة وتنصحك بشي ما يلائم بشرتك ..

المهم .. شريت منهم كيت البشرة الدهنية \ العادية وكان في داخلة 5 منتجات :

Special Cleansing Gel

غسول من غير صابون او عطور ملائم حتى للبشرة الحساسة فيه خلاصة لحاء الخشب واللافندر والنعناع  ------ احتاج اغسل فيه مرتين علشان احس ان بشرتي نظيفه نظيفه .

Skin Prep Scrub
 
مقشر طبيعي بخلاطة النباتات تهدي البشرة وتزيل الشوائب ----- الحلو فيه انه اتحسين بالحبيبات الي تقشر وتحسين بشرتك صج صارت انعم بعد الاستخدام .
 
Multi-Active Toner
 
رذاذ منعش يرطب وينعش البشرة ويغذيها ----- اكثر شي حبيته باللاين كله واذا برد اشتري شي منهم فهذا الشي الاكيد فيهم .
 
Active Moist
 
مرطب خالي من الزيوت بخلاصة بروتينات الحرير والخيار والمرمية ------  حليو وبس هذا الي اقدر اقول عنه يعني مو دهني وبسرعه تمتصه البشرة نفس مرطب كلينيك الاصفر بالضبط .
 
 
Climate Control Lip Treatment
 
مرطب شفافيف فيه مركبات علاجية وايضا عوامل حماية للشفاة ----- ما استخدمته عطيته ستار وستار تقول انه كان عادي ومجرد ترطيب للشفايف ..
 
يمكن تقولون اشلون اختيار موفق وبعدين بتجربتي للمنتجات ما مدحتهم وااااايد .. بس انا ترا وااااااااايد دقيقه بالاشياء الي استخدمها ومو كل شي ايوز لي .. بس بالنهاية اقدر اقول انه خلال فترة استخدامي لهذي المنتجات بشرتي تحسنت يعني هذا اللاين انصح فيه لاي بنت تبي منتجات عناية للبشرة الدهنية  تستمر عليهم ويكونون برنامج دائم او ثابت .. يعني العبرة بالنتائج صح !!! وهذا اهو شعار هذي الماركة ..
 

6 comments:

رورو الشخبوطه said...

لما اعتني بشرتي افضل اخذ ست كامل من نفس لاين والماركة..

ساعات المنتج بروحة يكون عادي بس مع باجي المنتجات تكون النتجة وايد احسن..

واكثر شي متازمة منه بالبيوتي انه مو محصله مرطب قوي :\

ومشكوره..

lazy dazy said...

صاجة رورو اهو هذا الاين بهذي الطريقة يعني كل منتج يكمل الثاني

وان شاء الله بنزل انا وستار بوست مشترك عن كريمات الترطيب راح يعجبك :)

Shaikah said...

عليج بالعافيه هالماركه وايد يمدحونها ان شاء الله تفيدج

lazy dazy said...

الله يعافيك شيخة
واي تعتبر ديرمالوجيكا من الماركات الزينه في العناية بالبشرة وحلو الواحد يجربها ..
ثانكس

Made n Q8 said...

علييج بالعافيه
هالماركه واايد اسمع مدح عنها

انا اذا صارت شغلات وايد مثل غسول ومرطب ومقشر وتونر اتعييز ومااستخدمهم كلهم
بس اهم شي عندي الغسول والحمايه والمرطب وكل شهر تنظيف بشره

lazy dazy said...

Made n Q8

هاي

والله يعافيك
الماركة تعتبر بروفيشينال فسمعتها حلوة

والاشياء اليومية صح اهمها الغسول والتونر والكريم المرطب واذا فيه حماية يغنيك بعد عن كريم الحماية

بس المقشر استعمالة اسبوعي مو يومي وضروووووووووري والا بشرتك بتصير باهته واتراكم طبقات الجلد الميت وما تحسين ويهك نظر ..

ووين تسوين الفيشل ؟؟؟

وحياك الله