16 September 2011

silk'n - requested


بحاول بهل البوست اوضح اكثر عن جهاز الليزر المنزلي سيلك ان .. اهو راح يكون بداخلة سي دي شرح وافي عن الجهاز وطريقة استخدامه وفيه فيديو بالداخل يوضح الخطوات وطريقة الاستخدام فحده سهاله ..


اول ما توصلين الكهربا يشب ليت الباور اخضر وبعد ما تحطينه اون راح يشب ليت الومضات اذا اخضر يعني اللمبه متروسه وراح ينبهك اذا قربت اللمبه من الانتهاء وان تحتاجين تبدلينها .. والبلس والماينس هذا علشان تختارين درجة القوة وانا احب اشتغل على رقم 4 و 5 هذيلي الي شفت فيهم نتايج بس بالبداية ما راح تستخدمينهم علشان السيفتي وكونك مبتدأة خوفا من ان تحرقين نفسك ..وهم في مؤشر لون البشرة اذا غامجه وااايد ما يشتغل الجهاز خوفا من ان تحرقين نفسك ..


وبس من تختارين الدرجة تحطين راس الليزر على المنطقه الي تبين وفيه زر بالراس تضغطينه ويبدي يشتغل واللمبه كبيرة على عكس بعض الاجهزة فتغطي منطقه اوسع من الجلد فتخلصين بسرعه ما تاخذ العملية فترة طويله .. وحق الاماكن الي تحسين فيها الاحساس بالالم اكبر انا احط الجيل الي يسخدمونه بالعيادات قبل IPL  يبرد المنطقه .. وان شاء الله اتكون طريقة عمل جهاز الليزر اوضحت معاكم ..

6 comments:

قرص عقيلي said...

لا لا لا لا يا ديزي ما تفقنا انه يعور .. امم يعور وايد ولا شويه ؟
انا بعد ما شفت البوست مالج قررت اطلبه ..

Unique Girl said...

شرايج بستخدامه ؟

شكله وايد حلو

يعطيج الفين عافيه قلبي

lazy dazy said...

قرص عقيلي

اهلين .. ترا انا كل عيادة ليزر اروح لها يذكروني اني الي اصيح عندهم
ما اتحمل الالم خخخخ

شوفي جربت 3 انواع ليزر وكلهم ايعورون على حسب المنطقه وسماكة الشعر ودرجة القوة
والله صدقيني انا مو قاعده اسوي تسويق للجهاز بس قاعده اعرض تجربتي معاه وقبله كنت مسويه عن جهاز نونو وقلت راي بكل امانه فيه وانتي بعد سوي بحث وشوفي راي الناس عنه وتطمني

lazy dazy said...

Unique Girl

اهلا وسهلا والله يعافيك

اذا تقصدين باستخدامه سهل او صعب فهو سهل بالاستخدام جهاز مو معقد يعني وشكرا لك

Dear Romeo said...

حلووووو
ودي بجهاز جذي يفكني من المواعيد
بس من وين احصله؟ اطلبه من امازون؟

اي و بغيت اسئلج بعد، اتيي معاه النظاره مالت الحمايه؟ ولا نشتريها بروحها؟

lazy dazy said...

Dear Romeo

ايه اتحصلينه من الامازون
وبالنسبه للنظارة ما اتيي معاه وانا ما استخدمها وبس اذا سويت جلسه حق ويهي اول كنت اغمض اذا بضغط الزر بعد ما اكون ثبت مكانه بس اللحين صارلي سنين صرت ما اغمض تعودت عليه