13 September 2011

Sticky


لما كنا نتمشى في البافليون مول شفنا في ناس متجمعين على محل ستكي كاندي وفقنا نتطمش معاهم .. ولا شنو قاعدين يسوون ؟؟ هاند ميد كانديز طبعاً أنا غرامي الحلاو .. رحت سيدة على الأرفف أخذت لي من علب الحلاو أشكال وألوان وعلى طول على الكاشير .. وديزي الله يعافيها جابلتهم وصورت لكم هالصور .. أنا بعد ما شريت وتطمنت على حصيلتي من الحلاو قعدت اشوف شنو يسوون .. ماشاء الله عليهم حدهم بروفشنل وشطار شلون يمدون العجينة ويشكلونها .. والحلو أنهم قاعدين يسوونهم جدامنا ويترسون الغراش وعلى طول الناس تشتري الحلاو فرش ... متعة كأنه ميني فاكتوري حق الكاندي يعني نذوق ونشوف بنفس الوقت ..  فكرة تسويقية روعة


 شوفو شلون قاعده تمط العجينة البيضة هاذي حشوة الكاندي
هني يسوون الغلاف مال الحلاو على ألوان ونكهات مختلفة  ويمدون داخلهم العجينة البيضة ويسون أشكال


هاذي الصورة من النت بس حبيت أوريكم شلون تصير بعدين مثل الستك بعد ما يمدون العجينة ويكسرونها إلى قطع صغيرة .. الي بالصورة على نكهة الكيوي لذييييييييذة كانو توهم مسوينها وعطونا نذوق منها

هاذي الصورة بعد من النت جذيه شكل الغراش حاطينهم على الأرفف في علب مشكله بنكهات مختلفة وفي علب حق كل نكهة بروح


ألحين أيي حق هالصورة الأخيرة .. لأنه واااايد عجبتنا فكرة الكاندي وطعمهم حده لذيذ ولأنهااااااا تصلح تتقدم صوغة .. حطينا غرشة كاندي ستكي من ضمن أشياء الصوغة الي راح تفوز فيها وحده من المشتركات في Giveaway 

راح نعلن منو الفايزة بالصوغة أن شاء الله يوم الخميس .. إلي حابه تشترك معانا في عندكم فرصة لغاية يوم الأربعاء

we will announce the winner of the KL giveaway on thursday and you still have a chance until wednesday to participate

5 comments:

النوري said...

allah wanasa i saw how they r done on food network in unwrapped yabeelha 3athalat o gowa :P

star said...

النوري

شفتهم لايف الحلاوة يالله من فضلك تتمقط بأيدهم جنها مارشمالو يبيلها فن وأبداع هالرسمات الي يسونها داخلها شي عجيب تصدقين يسون حق الاعراس واعياد الميلاد يكتبون الأسامي والتواريخ كله داخل هالحلاوة النتفة حدهم كيوت

قيمر said...

أحب شكل الحلاو
بس مستحيل آكله

رورو الشخبوطه said...

يطلع صلب ولا ترف ..

شريت مثل هالنوعيه بس من مطار جده بس هذا شكله يشوق..

بالعافيه يارب..

star said...

قيمر : أحب شكل وطعم الحلاو بعد الي مستحيل اكله الي يبيعونهم بالجمعيات وتصبغ الحلج واللسان تلوع جبدي

رورو: اهوه صلب بس بسرعة يذوب بالحلج وفرش مو صخر يبيله ساعة على ما يذوب

الله يعافيج أن شاء الله تفوزين وتذوقينه وتعطينا رايج