بلا ماسكرا تكثيف وتطويل بلا خرابيط .. اذا تبون شي يخلي رموشكم كأنها رموش تركيب جربو فرشة الفايبر .. بماليزيا وين ما نروح في المولات والبيوتي سنترز على طول مسوين تسويق حقها والعارضات شكل رموشهم كأنهم مركبين رموش اصطناعية أنا بالأول ما صدقت بس لما سوت العارضة على عيونها جدامي على طول خذيت منها ...
هذا شكل العلبة داخلهم فايبرز مقصصينهم كأنها رموش حيل صغيرة وخفيفة .. وشكلها مثل فرشة الماسكرا بالضبط
طريقتها تحطين الماسكرا العادية الي تفضلينها على رموشك وبعدين تمررين فرشة الفايبر فوق رموشك وراح يلزقون الفايبرز على الماسكرا وبعدين تحطين طبقة ثانية من الماسكرا علشان تغلف الفايبرز وبس يصيرون رموشك وااااو فافاااافوووووم ..
11 comments:
انا من زمان مجربه شي جذي بس اذاني يدش بعيوني وانا احط عدسات
هذا مايدش بالعيون؟؟
اي حلوة
في مثلها عند ميك اب فور ايفير
النوري:)
أنا بعد ألبس عدسات لا كلش ما أذاني
بس أذا عباله وما لج خلق هالسوالف في ماسكرا يكون منها وفيها الفايبرز
Anonymous
مشكورة على المعلومة ^_^
ستار..
ماشاء شوقتيني عليها لانه رموشي خفيفه ..
مو متوفر لهابديل عندنا؟؟
وبالعافية :)
رورو
الله يعافيج :)
والله ما أدري بس الي معلقة قبلج قالت موجود نفسها في ميك اب فور ايفير
وحده بمنتدى كويتيات اذكر كتبت عنها
بالكويت مافي جذي
انا جربت نفس فكرتها لاش فايبرز من ميك اب فور ايفر
ومن ديور لاش بلامبنغ سيروم
Made n Q8
اي صح مو منتشرة وايد مع أن في شرق آسيا تقريباً كل الماركات عندهم ماسكرا فيها فايبرز
شلون مالت ميك اب فور ايفير زينه؟؟
السلام عليكم
عفوا
مالها سايد افكت ع العين
وما طيح الرموش وتخليها تحت؟
وشلون تنظيفها نفس المسكر العاديه
ومشكورا تحمليني اسالتي وايد بس اي لايك يور رفيوز فان ومتابعه بقوه :)
Dolores
بالعكس احنا يسعدنا أنج تسألين وأنا مثلج أحب أعرف شنو السايد افكت للشي
وترا سألت العارضة عن هالشي وقالت لي انها صار لها أشهر كل يوم تحط الفايبرز على رموشها وتقعد فيهم ساعات ولا صار لهم شي
وبالنسبة للتنظيف أنا لما غسلت عيوني بالغسول بسرعة راحوا حتى استغربت على بالي بفرك عيوني علشان يطلعون
وانا أشوف انهم احسن من الرموش التركيب التي تحطين صمغ على رموشك وتسحبينهم هاذي تحطين طبقة الفايبرز فوق الماسكرا فان شاء الله ما في ضرر الا اذا الماسكرا الي تستخدمينها تسبب الرموش تحيط
ومشكووووورة :)
شكرا ستار
Post a Comment