رفعوا ضغطنا الخطوط الكويتية .. لأول مرة يحصل معانا هذا الموقف حاجزين عندهم ومستلمين تذاكرنا ودافعين للفندق .. وقبل السفرة بيوم يتصلون علينا يبلغونا أن الرحلة تكنسلت .. صارلنا أسبوع حاجزين توهم يتفرغون يبلغونا .. منو يعوضنا إذا الفندق ما رضى يكنسل حجزنا ؟؟
والمشكلة دقوا علينا الحين الساعة 7 بالليل والموظف يقول باجر راجعوا المكتب الرئيسي يعنى حتى ماكو ألحين مسئول نكلمه .. حوسه وشغلهم معانا غلط بغلط وعقب ما بلغنا الموظف استلمنا مسج وايميل أن الحجز متكنسل وراجعوا مكتب الكويتية ؟؟ .. باجر أن شاء الله راح نروح لهم وأنشوف شالسالفة وبنقدم شكوى بعد ..
رحنا اليوم للأسف كان في لا مبالاة من الموظفين كأنهم متعودين على شكاوي العملاء .. تم استرجاع التذاكر وأبلغونا أن المبلغ راح يرجع في الحساب بعد أسبوعين .. وقدمنا شكوى والموظفة الي استلمتها قالت ترا ما راح يسوون شي الرحلة ألغوها ؟؟ .. المبنى قديم وحالته تفشل مو المفروض يكون جذيه مستوى طيران الكويتية للأسف كل مالهم ويتردون ..
update:
No comments:
Post a Comment