استخدمت من فترة تونر + كريمات من ماركة غارنيه لاني احب اجرب الماركات الي موجودة في الجمعية واشوف شلون مفعولهم ،، التونر للبشرة ما فيه كحول وكأنه ماي بس ريحته قويه مع انه المفروض تكون خفيفة علشان البشرة الحساسة ما تتحمل العطور .. كريم الترطيب للبشرة العادية ملمسة زين وتشربه البشرة وما سوى لي حساسية من استخدامه ،، اما الكريم الثالث فثقيل شوي لانه حق فترة الليل لتجديد الخلايا .. الحين وقت التقييم : كل هالمستحضرات استخدمتهم فترة قصيرة حيل على ويهي وبعدين بطلت لاني ما حبيت ريحتهم وايد قوية ولما شفت انهم قاعدين جدامي بس جذيه من غير ما استخدمهم فكرت بطرق اخرى علشان استخدمهم .. مثلا كريم الترطيب استخدمه حق رقبتي ادهنها فيه .. وكريم الليل اهوه لتجديد الخلايا فصرت استخدمه حق ايدي .. بس التونر لي الحين ما لقيت له استخدام ثاني .. وهاذي مو أول مره اغير استخدام الكريمات خاصة لا صاروا شاريتهم من الأرفف بالجمعيات واتحسف اقطهم أذا ما ناسبوني أو أكون من الأساس شاريتهم وابي اجربهم مو على ويهي غالبا حق ايدي كمرطب .. مثلا جربت كريمات اولاي للتجاعيد لاين ريجينيرست هذا اللاين وايد مادحيه في الانترنت والمجلات للويه كبديل لكريمات التجاعيد الغالية ان يقدر ينافسهم بس الي صار اني جربت احطه كمرطب ثقيل ومجدد للخلايا الايدين فقط ..
No comments:
Post a Comment