اليوم كان عندي موعد مع دكتور الاسنان ولأنه التبييض المنزلي مو حابته وكله اشتكي منه ومن سويته قاطته ولا استخدمه قالي دكتوري أن وصل عنده جهاز جديد لتبييض الأسنان بالطريقة الضوئية وأخف من الليزر وأحسن من التبييض المنزلي الي مو مريحني .. ولأني أحب أجرب الأشياء اليديدة ولما سألته عن طريقته وشفت أنه مناسب حقي خصوصاً أن أسناني الحمد الله لونهم طبيعي بس ابي أفتحهم زيادة لأني أشرب قهوة وشاي على طول فهذا الجهاز انسب شي حقي وأحسن شي أن الجلسة ما تاخذ أكثر من نص ساعة .. وطريقته عبارة عن علبة فيها ( قالب التبييض + وايبس لتنظيف الأسنان + شي مثل زبدة الكاكاو البيضة فيها مادة تنحط على الأسنان + غسول ) والجهاز بالضوء الأزرق للتبييض مع حرارة خفيفة علشان المادة تتفاعل مع الأسنان ..
أول شي سواه الدكتور أن فرك ضروسي بالوايبس عدل وبعدين مسح عليهم بزبدة الكاكاو وشغل الجهاز نفس الي بالصورة فوق يطلع منه ضوء أزرق على أسناني لمدة 3 دقايق .. وبعدين رجع مسح مرة ثانية بالوايبس وتالي ركب القالب وأهو من المطاط اليابس الي أعض عليه وفيه المادة المبيضة وهذا لازم أظل فيه ثلث ساعة تحت الجهاز الضوئي وبعدين يرد يفرك الضروس بالوايبس وأغسل أسناني بالغسول وخلاص جذيه خلصت الجلسة .. اهي صج فيها خطوات بس بسرعة تخلص الجلسة والحلو أني ما حسيت بعوار أو تحسست ضروسي والمادة المبيضة مالها ريحة قوية .. بالنهاية يمكن فتح لون أسناني درجة وحدة صج مو وايد ولا صاروا هوليود سمايل بس أن شاء الله مع الاستمرار في العلاج راح تتسنع ابتسامتي وأصير يا بو ضحكة جنان :))
No comments:
Post a Comment