My lotions and potions

 كنت أدور على كريم خاص بمنطقة العيون .. والغريب اني اذا جربت كريم ما أرجع أشتريه مره ثانية لازم أغيره  .. جربت كذا نوع منها كريم من ماركة كيلز الي مع زيت الافوكادو  هنا   زين بس مو توب .. وجربت بالم من ماركة كانبيو هنا .. بس كان يحر عيوني يمكن انا طريقتي غلط اني احطه قريب حيل على الجفن فطلعت له استخدام يديد احطه على ويهي لما يتحسس وما اقدر استخدم ولا نوع من الكريمات كان شي عجيب ثاني يوم اقعد القى بشرتي طاخه وشحلوها بس هالطريقة خلصت الكريم بسرعة لانه كريمات العيون حجمها اصغر من الكريمات العادية ..

هالمره قررت اجرب ايستي لودر لان كريم العين على طول في البست سيلر وبسرعة يخلص .. مريت كاونترهم في ديبنهامز شرق وكان باقي عندهم آخر حبه من كريم العين وشفت عندهم هالعلبة الي لفتت انتباهي ليش ؟؟ لاني قبلها كانت داخله السايت وشايفه البست سلر ولقيتهم موجودين كلهم  في العلبة  شوفوهم هنا .. والي عجبني أكثر سعر العلبة 13,750 هالعلبة كانت منقذة لي أحجامهم صغيرة يعني راح أجربهم وأشوف نتيجتهم  وبعد السبب الرئيسي علشان ما امل منهم بعد فترة اواتحسف اقطهم اذا ما ناسبوني لانه بشرتي حساسة  ..

شنو داخل العلبة : كريم العين الي أبي أجربه + سيروم علاجي لليل + كريم الداي وير مرطب ومضاد لأكسدة الخلايا + الغسول  للبشرة العادية والمختلطة .. وايد زينة المجموعة تعتبر نظام متكامل للبشرة .. أن شاء الله تناسب بشرتي وما اتحسس من شي فيها

الشي الثاني  بالم من لاين بوتانكس في بوتس كل مكوناته زيوت طبيعية فيه شيا بتر وزيت اللوزوزيت الافوكادو وزيت الارجان .. وتقدرون تستخدمونه بعد كمزيل للمكياج الثقيل والي ما يروح بسرعة بالماي هذا البالم تاخذون كمية صغيرة وتدفونها بالايد يصير مثل الزيت وبعدين بفوطة رطبة بماي حار راح تشيلون كل المكياج وحتى  الماسكرا الثقيلة 

شي جربته من فترة وما حبيته مع اني احب الاشياء الاورغانك .. هذا التونر من بودي شوب ريحته أعشاب والمفروض انه مفيد للبشرة و ما عجبني كلش يطلع رغوة صابون مع انه تونر ؟؟ غريبة سالفته طاح بجبدي ما ادري شسوي فيه