نازل سيروم يديد من نيفيا للسيولاليت يعطي نتايج سريعه خلال 10 ايام تلاحظين ان بشرتك صارت انعم وان السولاليت انخفضت كميته في الجلد .. طبعا انا ما اصدق ان في كريم ب 10 ايام يعطي مثل هل النتايج بس من الريفيو الي قاعده اقراها قاعدين يمدحونه ..يوم شفته تذكرت سالفتي مع هذا المنتج من نيفيا ؟؟؟
انا تجربتي مع لاين نيفيا للسولاليت جدا سيئة .. انا شريت الجيل وشريت اللزقات ... واللزقات اتيي معاها حبوب تنحيف !!! وسي دي فيه تمارين ونصايح غذائية يعني كورس كامل عشتو من نيفيا .. طبعا الحبوب قطيتها خقت أخذها والسي دي شغلته يعني زين .. فاللحين وقت التجربة حطيت اللزقات بالليل ويوم قعدت الصبح والا ما اعبر اقوم من الفراش احس بتعب غرررريب وبطني يعورني شي مو طبيعي وظليت احس بالالم والتعب لين الظهر وبعدها ودوني المستشفى وسوولي فحوصات وعطوني دريب وادوية .. وبسسسسس توبة.. هذي كانت آآآآخر مرة استخدم فيها هذي المنتجات وما ادري ليش مو قاطتهم للحين ؟؟؟ بس زين فادوني اسوي لكم هذا البوست عن تجربتي المرعبة معاهم .. الله يبعد عنا وعنكم كل شر
No comments:
Post a Comment