مفاجأة سارة كانت تنتظرني في مركز تجميل الروضه .. بالصدفه رايحة اشتري بعض النواقص الي احتاجها والا القي لاين كينزو كي جدامي @@ متى ؟؟ وشلون ؟؟ ووين ؟؟؟ ونااااااسه .. انا وااااااااايد عاجبتي الفكرة الأساسية لهذي المجموعه .. من قلب آسيا يقدم كينزو مستحضرات تنقل العناية بالبشرة إلى مستوى آخر من المتعه .. خلاصه من الزهور والنباتات الشرقيه الغنية بالزيوت العطرية والأملاح المعدنية والعناصر والفيتامينات المغذية للبشرة والاحلى تغلفك بطبقه عطرية آآآآآآسرة ...
للأسف كنت توني واصلتني طلبية من أمريكا فيها لاين عناية بالبشرة حابه اجربه فكنت مكتفية بالي عندي .. بس ما قدرت اقاوم ما أشتري منهم شي :)
إخترت لاين زهرة اللوتس البيضاء ..
زهرة اللوتس البيضا تزرع خصيصا لكينزو في اقليم زيجانج في الصين ويحصد رحيق الزهرة بين شهر يونيو ويناير ويتميز بفوائد علاجيه للبشرة ويلطفها ويهدئها خصوصا للبشرة الحساسة وتتميز رائحتها المخملية بانها ذات فوائد علاجيه للنفس ..سكون ولذه لكل انواع البشرة ..
شريت الماسك المقشر ..
وايد حابة الباكج مال المجموعه بسيط وراقي .. قناع بخفة رذاذ بخار اللوتس يزيل الخلايا الميته ويجدد البشرة السطحية بخمس دقايق فقط تحصلين بعدها على بشرة متألقه ناعمة ومخملية .. بخلاصه الكستنا والهوانج - كين والمارشميللو .. ريحته مو طبيعية راح تصير ريحة اللوتس من احلى الروايح عندي .. تحطينه كماسك خمس دقايق وبعدين تفركيينه راح تشوفين الجلد الميت يتساقط .. تقريبا نفس فكرة قناع ميشا بس هذا ماسك وتقشير بوقت واحد ..
وشريت رذاذ ماي اللوتس ..
تونر على سبراي ترشينه على البشرة في اي وقت يعطي شعور بالانتعاش والريلاكس غني بالزيوت العطرية من ماي اللوتس يحفظ الرطوبة بالبشرة ويحتوى على عشبة الدوي جراس التي تنمو في جبال مقاطعة يونان الصينية والي تستخدم منذ مئات السنين من قبل المعالجين الصينين لخصائصها المرممة والمرطبة للبشرة .. ويني عنه من زمااان ؟؟ على العموم تجربتي مع مجموعه كينزو واااايد حلوة وان شاء الله استمر في استخدامها وتجربة اشياء يديده منها .. جربتوا منتجات كينزو ؟؟ شاركونا بتجاربكم ..
No comments:
Post a Comment