05 June 2011

My face wash routine

warning: it's going to be a loooong post


اليوم بكتب لكم عن شنو استخدم غسول سائل  بالإضافة الى صابونة سيبا ميد الي ما استغنى عنها ..  بين فترة وفترة احب اغير نوع الغسول علشان ما أمل منه وأجرب نوع يديد .. كل هالانواع الي موجودة بالصورة الي فوق كاتبينهم لي دكاترة جلدية ما عدا الغسول الي من كيلز .. وتقريباً هذولا الي آخر شي شريتهم  يعني في انواع مجربتهم بس مو موجودين بالصورة .. ابتدي من اليسار هذا الغسول الي عليه صورة وحده راكبة سيكل born to be mild كاتبه لي دكتور جلدية لأنه بشرتي حساسة واهوه شاف انه هذا النوع المناسب حقها .. بس انا ما حبيته ولا استمريت عليه ما حبيت ريحته ولا حبيت ملمس بشرتي عقب ما انشف ويهي من الماي .. الثاني من ماركة انجيلا Angela cleanser هم كاتبه لي دكتور جلدية ثاني هذا الغسول ينشف الويه يخلي البشرة ناشفه جاااافه حيل  راح اكتب بوست عن نظام انجيلا  كله وتجربتي معاه .. الثالث هذا شريته من كيلز لاني حبيت الكريم المرطب من نفس اللاين بس للأسف الغسول طلع قوي على بشرتي يمكن فيه صابون ما يناسبي .. الرابع  غسول سيتافل cetaphil هذا الغسول عبارة عن لوشن يعني حتى ملمسه كأني قاعده اغسل بلوشن كتبه لي دكتور جلدية ثالث كعلاج من بعد استخدامي لنظام انجيلا استخدمته فترة وبعدين وقفت ما أحسه ينظف الويه بس يهدي مشاكل جفاف البشرة ..

حالياً افضل غسول قاعدة استخدمه من ماركة لابريري Foam Cleanser .. عجيييب احط نتفة وتكون ايدي شوي رطبة بالماي وبس .. الغسول يسوي رغوة مو طبيعية كل شوي تزيد الرغوة .. مناسب حق كل أنواع البشرة .. لما أغسل ويهي ما أحس بشرتي ناشفة وبسرعة لازم أحط عليها مرطب ولا تصير مشدودة حيل .. حالياً هذا النوع مناسبني حيل و ما افكر أغيره ..





7 comments:

رورو الشخبوطه said...

حلو ماشاءالله..

انا حاليا تخدم الكلينكس اللي يكون كغسول وتونر اريح لي :\

star said...

أهلين رورو

مشكورة

اذا مناسب بشرتج استمري عليه.. انا أفضل الغسول الي يكون مع ماي

Shaikah said...

انا استخدم نفس غسولج كيلز والحمدلله مرتاحه عليه
بس بغيت اسألكم دام ما شاء الله عندكم خبره ابي شيء يوخر آثار الحبوب
مشكله لاصارت البشره صافيه بس مخربتها هالاثار

star said...

أهلين شيخة
توني دشيت بلوج
ترا وااايد حلو خصوصا انج مسويته في تمبلر يشوق والوانه تينن

بالنسبة حق آثار الحبوب في وايد ماركات عندهم لاين للتفتيح

مثلا ديور سنو أو من كلينيك لاين even better dark spots
في بعد كيلز لاين لتفتيح الآثار اذا تحبين هالماركة

واذا تبين شي من الصيدلية تقدرين تستخدمين الخلطة المشهورة ريتن أي + كريم الدكوين وتنحط بس على الأثر

وحياج الله

Shaikah said...

حبيبتي عيونج الحلوه فرحتني ونورتيني
انا مريت على كيلز وقالولي مخلص وخذوا رقمي واذا وصل يكلموني ان شاء الله يفيدنا
ومشكوووره

star said...

shaikah

أن شاء الله راح اسوي لج فلو في تمبلر أنا عندي صفحة بس مو كاتبه فيها ولا شي

وبالنسبة حق كيلز اي في اشياء عندهم بسرعة تخلص
وأن شاء الله تستفيدين وتحصلين نتايج طيبة

Shaikah said...

هلا بجارتي نورتي اذا بغيتي شيء قوليلي
مشكوره ان شاء الله